ಹೈನಾ, ಚಿಂಕಾರ,ಜಂಗಲ್ ಕ್ಯಾಟ್,ತೋಳ, ಹುಲ್ಲೆ,ಸಿವೇಟ್ ಹೀಗೆ ಅಳಿವಿನ ಅಂಚಿನಲ್ಲಿರುವ ಅಂದಾಜು 18 ಅಪರೂಪದ ವನ್ಯಜೀವಿಗಳು ಒಟ್ಟಾಗಿ ಚೀವಿಸುತ್ತಿರುವ ಕುರುಚಲು ಕಾಡುಗಳ ಅಭಯರಣ್ಯ ನಮ್ಮ ಮದ್ಯೆ ಇದೆ. ಹೌದು ಅದುವೇ
ಔಷಧೀಯ ಸಸ್ಯಗಳ ಸ್ವರ್ಗ ಎನ್ನಿಸಿಕೊಂಡಿರುವ ಗದಗದ ಕಪ್ಪತಗುಡ್ಡ ಅಭಯಾರಣ್ಯ ಇದೀಗ 18 ಪ್ರಾಣಿಗಳ ಆವಾಸ ಸ್ಥಾನ!
ಗಣಿಗಾರಿಕೆಗಾಗಿ ನೋಟಿಫಿಕೇಶನ್ ಮತ್ತು ಡಿ-ನೋಟಿಫಿಕೇಶನ್‌ಗಳಿಗೆ ಸಾಕ್ಷಿಯಾಗಿದ್ದ ಈ ಪ್ರದೇಶ
ಓಷಧಿ ಸಸ್ಯಗಳು ಮಾತ್ತು 18 ಪ್ರಾಣಿಗಳ ಆವಾಸಸ್ಥಾನವಾಗಿದೆ ಎಂಬುದನ್ನು ಕೊಯಮತ್ತೂರು ಮೂಲದ ಸಲೀಂ ಅಲಿ ಸೆಂಟರ್ ಫಾರ್ ಆರ್ನಿಥಾಲಜಿ ಅಂಡ್ ನ್ಯಾಚುರಲ್ ಹಿಸ್ಟರಿ ನಡೆಸಿದ ಅಧ್ಯಯನ ಬಹಿರಂಗ ಪಡಿಸಿದ್ದು,ಈ ಕಪ್ಪತಗುಡ್ಡದಲ್ಲಿ ಕೆಲವು ಗಣಿ ಉದ್ಯಮಿಗಳ ಕಣ್ಣು ಬಿದ್ದಿದೆ ಎಂದು ವರದಿ ತಯಾರಿಸಿದೆ.ಸದ್ಯ ಸ್ಥಳೀಯ ಜನರ ವಿರೋಧದಿಂದ,ರಾಜ್ಯ ಸರ್ಕಾರ ಗಣಿಗಾರಿಕೆಗೆ ಸದ್ಯ ತಡೆ ನೀಡಿದೆ. ಜೀವವೈವಿಧ್ಯತೆ ಮತ್ತು ಅದರ ಪರಿಣಾಮದ ಬಗ್ಗೆ ನಿರ್ಧರಿಸದೆ ಪ್ರಾಣಿಗಳ ಆವಾಸ ಸ್ಥಾನವನ್ನ ಗಣಿಗಾರಿಕೆಗೆ ಬದಲಾಯಿಸುವುದರಿಂದ ಕಾಡು ಪ್ರಾಣಿಗಳಿಗೆ ತೊಂದರೆಯಾಗುತ್ತದೆ ಎಂದು ಅಧ್ಯಯನವು ತಿಳಿಸಿದೆ. 1,000 ದಿನಗಳಿಗೂ ಹೆಚ್ಚು ಕಾಲ ಈ ಪ್ರದೇಶದಲ್ಲಿ ಅಧ್ಯಯನ ನಡೆಸಿದ ತಂಡವು ಈ ಪ್ರದೇಶದಲ್ಲಿ ಮೂರು ಪ್ರಮುಖ ಜಾತಿಯ ಹುಲ್ಲೆಗಳಿವೆ ಎಂದು ಹೇಳಿದೆ.
ಡೆಕ್ಕನ್ ಪ್ರಸ್ಥಭೂಮಿಯ ಅನೇಕ ಭೂದೃಶ್ಯಗಳನ್ನು ಸಂಶೋಧನೆಗಾಗಿ ನಿರ್ಲಕ್ಷಿಸಲಾಗಿದೆ. ಕಪ್ಪತಗುಡ್ಡ ವನ್ಯಜೀವಿ ಅಭಯಾರಣ್ಯವು (WLS) ಅವುಗಳಲ್ಲಿ ಒಂದಾಗಿದೆ . ಅದರ ಜೀವವೈವಿಧ್ಯದ ಬಗ್ಗೆ ಮಾಹಿತಿಯ ಕೊರತೆ ಮತ್ತು ಅದರ ಪ್ರಾಮುಖ್ಯತೆಯ ಬಗ್ಗೆ ಅರಿವಿನ ಕೊರತೆಯಿಂದಾಗಿ ಇದನ್ನು ನಿರ್ಲಕ್ಷಿಸಲಾಗಿದೆ. 1,035 ರಾತ್ರಿಗಳಲ್ಲಿ 20 ಕ್ಯಾಮೆರಾ ಟ್ರ್ಯಾಪ್‌ಗಳನ್ನು ಬಳಸಿ, ನಾವು 18 ಜಾತಿಯ ಸಸ್ತನಿಗಳನ್ನು ಪತ್ತೆ ಮಾಡಲಾಗಿದೆ. ಅವುಗಳಲ್ಲಿ ಹುಲ್ಲೆಗಳು, ನಾಲ್ಕು ಕೊಂಬಿನ ಹುಲ್ಲೆಗಳು, ಚಿಂಕಾರಗಳು ಮತ್ತು ಬ್ಲ್ಯಾಕ್‌ಬಕ್ಸ್ (ಕಡವೆ ) ಸೇರಿವೆ. ಮೂರು ಜಾತಿಯ ಹುಲ್ಲೆಗಳು ಒಂದೇ ಪ್ರದೇಶದಲ್ಲಿರುವ ಏಕೈಕ ಸ್ಥಳ ಇದಾಗಿದೆ ”ಎಂದು ಅಧ್ಯಯನದ ನೇತೃತ್ವ ವಹಿಸಿದ್ದ SACON ಸಂಸ್ಥೆ ತಿಳಿಸಿದೆ. ಅಧ್ಯಾನ ತಂಡ ಈ ಪ್ರದೇಶದಲ್ಲಿ ಕಡವೆಗಳು ಬಯಲು ಪ್ರದೇಶಗಳಿಗೆ, ಚಿಂಕಾರಗಳು ಇಳಿಜಾರುಗಳಿಗೆ ಮತ್ತು ನಾಲ್ಕು ಕೊಂಬಿನ ಹುಲ್ಲೆಗಳು ಬೆಟ್ಟದ ತುದಿಗಳಿಗೆ ಸೀಮಿತವಾಗಿವೆ ಎಂದು ಅಧ್ಯಯನ ಹೇಳಿದೆ. ಒಂದು ದಶಕದ ಹಿಂದೆ ಕರ್ನಾಟಕದಲ್ಲಿ ಚಿಂಕಾರಗಳು ಕಂಡುಬಂದಿದ್ದವು. ಮಾಂಸಾಹಾರಿಗಳಾದ ಬೂದು ತೋಳಗಳು, ಪಟ್ಟೆ ಹೈನಾಗಳು, ಚಿರತೆಗಳು ಮತ್ತು ಗೋಲ್ಡನ್ ಜಾಕಲ್ಸ್ ಉತ್ತಮ ಸಂಖ್ಯೆಯಲ್ಲಿವೆ. ಸಣ್ಣ ಮಾಂಸಾಹಾರಿಗಳಾದ ಕಾಡು ಬೆಕ್ಕು,ಚುಕ್ಕೆ ಬೆಕ್ಕುಗಳು, ಸಣ್ಣ ಭಾರತೀಯ ಸಿವೆಟ್‌ಗಳು, ಪುನುಗು ಬೆಕ್ಕು, ರಡ್ಡಿ ಮುಂಗುಸಿಗಳು ಮತ್ತು ಭಾರತೀಯ ಬೂದು ಮುಂಗುಸಿಗಳು ಸಹ ಕಂಡು ಬಂದಿವೆ.
16 ವನ್ಯಜೀವಿ ಸಂರಕ್ಷಣಾ ಕಾಯಿದೆ, 1972 ರ ವೇಳಾಪಟ್ಟಿ I ರ ಅಡಿಯಲ್ಲಿ ಇಲ್ಲಿನ 18 ಜಾತಿಗಳನ್ನು ಸಂರಕ್ಷಿಸಲಾಗಿದೆ, ಹೀಗಾಗಿ ಇದು ಕಪ್ಪತಗುಡ್ಡದ ಮಹತ್ವವನ್ನು ಎತ್ತಿ ತೋರಿಸುತ್ತದೆ. 17,872 ಹೆಕ್ಟೇರ್ ಬೆಟ್ಟಗಳಿರುವ ಕಪ್ಪತಗುಡ್ಡವು ಗದಗ ಜಿಲ್ಲೆಯಲ್ಲಿ 244.15 ಚದರ ಕಿ.ಮೀ ವ್ಯಾಪಿಸಿದೆ. ಗದಗ, ಮುಂಡರಗಿ ಮತ್ತು ಶಿರಹಟ್ಟಿ ತಾಲ್ಲೂಕುಗಳಲ್ಲಿ 138 ಚ.ಕಿ.ಮೀ ತಂಡವು ಸಮೀಕ್ಷೆ ನಡೆಸಿದೆ ಎಂದು ತಿಳಿಸಿದೆ.
ಅರಣ್ಯವು ಸುಮಾರು 400 ಔಷಧೀಯ ಸಸ್ಯ ಪ್ರಭೇದಗಳನ್ನು ಹೊಂದಿದೆ. ಇದು ವರ್ಷವಿಡೀ ಗಾಳಿ ವೇಗವಾಗಿ ಬೀಸುತ್ತಿರುತ್ತದೆ. ಈ ಕಾರಣದಿಂದಾಗಿ, ಇಲ್ಲಿನ ಹಲವಾರು ಗಾಳಿಯಂತ್ರಗಳು 225 MW ಗಿಂತಲೂ ಹೆಚ್ಚಿನ ಶಕ್ತಿಯನ್ನು ಉತ್ಪಾದಿಸುತ್ತವೆ. ಅಭಯಾರಣ್ಯವು ಸ್ಥಳೀಯರಿಂದ ಒತ್ತಡವನ್ನು ಎದುರಿಸುತ್ತಿದೆ, ಅವರು ಜಾನುವಾರುಗಳನ್ನು ಮೇಯಿಸುತ್ತಾರೆ ಮತ್ತು ಅಲ್ಲಿಂದ ಉರುವಲು ಮತ್ತು ಕಿರು ಅರಣ್ಯ ಉತ್ಪನ್ನಗಳನ್ನು ಸಂಗ್ರಹಿಸುವ ಚಟುವಟಿಕೆ ಗ್ರಾಮಸ್ಥರು ನಡೆಸುತಿದ್ದಾರೆ. ಇಂತಹ ಅಳಿವಿನ ಅಂಚಿನಲ್ಲಿ ಇರುವ ಭೂ ಪ್ರದೇಶ ಮನುಷ್ಯನ ಕ್ರೌರ್ಯಕ್ಕೆ ಬಲಿಯಾಗುವುದನ್ನು ತಡೆಯುವ ಕೆಲಸವಾಗಬೇಕಿದೆ ಅಷ್ಟೆ.